MAIO CULTURAL: Luns 25 - Venres 29

Luns 25 de maio

9,35 – 15,55

1º ESO 

ACTIVIDADES EN SANTABAIA

Durante este día, o alumnado de 1º da ESO gozará dunha xornada de actividades na parroquia de Santabaia, tendo como anfitrións aos integrantes da Asociación “Amigos da Liga Santabaiesa”. O programa das actividades a desenvolver inclúe unha ruta de sendeirismo polos lugares máis senlleiros da parroquia: Pena Grande, Pedra Chantada, unha visita á escola antiga, á casa do mestre e á recreación do poboado castrexo (pallozas e medoña) e xardín botánico. Terán xogos populares e unha charla-coloquio con Eduardo Ramil sobre “Os primeiros poboadores da Terra Chá”.

 Eduardo Ramil
 (Director do Museo de Prehistoria e Arqueloxía de Vilalba).

Martes 26 de maio

12,35 – 14,15

1º ESO - 2º de ESO

Salón de actos

OBRADOIRO DE RAP

Diego Calatayud

O licenciado en Filoloxía e rapeiro Diego Calatayud presentará diversas actividades en torno ao rap. Leva 10 anos practicando esta modalidade musical, formando parte de grupos como Mito Escrito ou 504; participou en máis de cen concertos, algúns deles internacionais. Ten acadado un fórmula moi atractiva  para potenciar as competencias básicas do estudantado.  

Mércores 27 - Xoves 28 de maio

9,30 a 14,15

2º e 3º ESO

OS PROCESOS DO LIÑO

O taller do liño" que ofrece a A.M. San Bartolomeu de Insua ten como obxectivo amosar como era o proceso tradicional da transformación do cultivo do liño.

Asociación de Mulleres San Bartolomeu de Ínsua

"


 Un grupo de mulleres, cos apeiros necesarios, aporta as explicacións paso a paso e de forma sinxela para que os rapaces comprendan como se obtén o fío desta planta e cales son os procesos ata chegar ao tear.

EXPOSICIÓN LETRAS GALEGAS (1963-2015)

Ata finais do mes de maio teremos unha exposición das obras da nosa biblioteca escritas polas figuras homenaxeadas dende o inicio da celebración das Letras Galegas, en 1963, ata o presente.

 

MAIO CULTURAL: LUNS 18 - VENRES 22

LUNS 18 DE MAIO    

11,45 horas

4º ESO e 1º de Bacharelato.

Salón de actos

NOVA POESÍA VILALBESA

Recital dos poetas Miguel Barrera, Mª Xosé Lamas, Martiño Maseda, Pilar Maseda e Rafa Yáñez, que nos falarán da grande traxectoria poética vilalbesa así como das tendencias da súa poesía.

16,15 horas

4º ESO – 1º e 2º Bacharelato

CHARLA-COLOQUIO

“A CRISE EXPLICADA Á XENTE NOVA”

Antón Baamonde

Nacido en Vilalba, en 1959, estudou o bacharelato no IES Basanta Silva  e Filosofía na Universidade de Santiago de Compostela.

Colaborador habitual na prensa galega, publicou numerosos ensaios e artigos en xornais (La Voz de Galicia, La Opinión, A Nosa Terra, Diario de Galicia) e en revistas (Galicia Internacional, Obradoiro, Agalia, Luzes de Galiza, Grial). Antón Baamonde está considerado como  a pluma máis orixinal e valiosa do ensaísmo galego actual. Entre os seus libros destacan En favor da esperanza, Sobre o tempo e outros desatinos, Aire para respirar, A rosa sen por qué ou A derrota de Galicia.Na charla tentará dar unha explicación da actual crise económica e as súas consecuencias, manifestadas, entre outros, nos recortes, no aumento da pobreza, na precariedade no emprego, etc

MÉRCORES 20 DE MAIO

11,45 horas

2º e 3º ESO

TEATRO

PROFESOR SALSIÑA, CULTURA PARA TODOS...E OUTRAS

Microefectos Dramatúrxicos

Microefectos Dramatúrxicos é un colectivo cultural vencellado ás arte escénicas que naceu en Lugo no ano 2013. Os integrantes do grupo teñen ligazóns con diferentes formacións teatrais, colectivos artísticos e asociacións culturais no ámbito galego. A súa experiencia e formación no campo das artes escénicas é igualmente diversa e vai dende o teatro ao cine, pasando polo monólogo ou a danza, entre outros.

O proxecto cultural que desenvolve parte da creación e representación de breves pezas dramáticas orixinais. Os microefectos son obras curtas, de duración inferior aos 15 minutos, que varían considerablemente no número de personaxes implicados e no espazo escénico.

 XOVES 21 DE MAIO

11,45 horas

4º ESO, 1º

Salón de actos

MÚSICA

DE ROSALÍA A CRAVEIRINHA. A MARABILLOSA VIAXE DE LÍNGUA GALEGA

Fran Pérez “NARF”

Aproveitando o lanzamento do seu último disco “Nas Tardes escuras”, no que NARF explora a poesía de Rosalía de Castro desde a linguaxe innovadora e contundente do Rock contemporáneo - con sorprendentes resultados e magníficas críticas - o artista proponnos unha viaxe musical que ilustrará diferentes aspectos da potencia e modernidade da nosa lingua no mundo de hoxe, como vínculo de intercambio, expresión artística e de comunicación coas distantes culturas que comparten connosco o tesouro dunha lingua de raíz común.

Poemas cantados que van dende as voces atlánticas da nosa Rosalía ou de Xelís de Toro, ata a do portugués Luis de Camões ou os mozambicanos Sonia Sountuane, Paulo Macamo ou José Craveirinha. Presenta tamén temas propios, en colaboración con artistas como o guineano Manecas Costa.

 de Bacharelato.

CINE: O Bosque Animado
José Luis Cuerda

20 horas
Salón de actos 
                                             

VENRES 22 DE MAIO

A CENSURA NO HUMOR GRÁFICO

Kiko Da Silva (Vigo, 1979)

Licenciado en Belas Artes na especialidade de pintura, traballou para o xornal La Voz de Galicia como humorista gráfico. En 2001 fundou xunto ao libreiro Cano Paz a revista BD Banda. En 2004 entrou a formar parte dos colaboradores de El Jueves.
En outubro de 2007 lanza a revista satírica en galego Retranca. En marzo de 2012 crea a primeira escola profesional de cómic e ilustración de Galicia: O Garaxe Hermético. En abril de de 2015 publica na editorial Dibbuks, El Infierno del dibujante, premio Castelao de Banda Deseñada 2014.  

A NOSA BIBLIOTECA NO TEMPO:1965-2015

Xa a piques de retirar a exposición de libros representativos da historia da nosa bibblioteca, con edicións dende 1928 ata 2015, se vedes que vos apetece sentir o papel da historia nos vosos dedos pasade pola biblioteca. Temos libros antigos, curiosos, libros para esquecer; edicións que leu ou polas que estudaba o profesorado actual, e que  lles traerán bos e malos recordos, pero tamén nostalxia.  Pasamos do branco e negro ás edicións ilustradas a toda cor con deseños sofisticados; dos anos da ditadura á democracia, da negación da nosa lingua e a nosa cultura aos primeiros libros en galego, e ás primeiras edicións completas de libros antes censurados. Libros que son verdadeira testemuña  social da década na que se publicaron: a época brutal das drogas, o boom dos videoxogos, cómics, mangas....ata chegarmos aos libros electrónicos.

MAIO CULTURAL : lUNS 11 - VENRES15

Luns, 11 de maio                                                                             

2º e 3º ESO                              Esperanza Iglesias

                                                 Aurelio Chao                                   17 HORAS                                                                                                   

MÚSICA

O pianista vilalbés Aurelio Chao e a soprano asturiana Esperanza Iglesias ofrécennos un concerto no que abordan diferentes estilos musicais: obras clásicas de diferentes períodos - Barroco, Clásico, Romántico -, música galega de compositores como Xoán Montes, Bal y Gay, Moreno Fuentes, Rosendo Mato...,para rematar coa interpretación de distintos musicais. 

Martes, 12 de maio

13 HORAS1º e 2º ESO

HISTORIAS DUN ILUSIONIOSTA

O mago Rafa é un lucense que conta cunha ampla experiencia no mundo do ilusionismo. Todos os seus espectáculos teñen dous obxectivos comúns: divertir e sorprender.

Historias dun ilusionista é un espectáculo novo. As historias máis divertidas e a maxia máis elegante fúndense para crear un ambiente espectacular. Que mellor que facer rir e facer maxia á vez?. Pois a mellor mestura é o espectáculo “Historias dun ilusionista” do Mago Rafa.

Mércores, 13 de maio

MÚSICA

4º ESO e 1º BACHARELATO

13,15 HORAS

Esperanza IglesiasAurelio Chao

Xoves, 14 de maio

9,35 – 11,15

1º e 2º ESO

A VER, A VER...CINE

Carmen Pg. Granxeiro

Percorrido guiado por unha serie de visionados que fan especial fincapé no cinema de clásicos coma Chaplin ou Tati, pasando por Buster Keaton ou Tex Avery, ata fragmentos de técnicas novidosas que mesturan o stop motion coa animación clásica.

11,45 – 13,45

3º ESO

HISTORIA DA FOTOGRAFÍA

Carmen Pg. Granxeiro

Introdución aos aspectos básicos da técnica e da estética da fotografía a través da súa historia, prestando especial atención ás historias creativas e sociais que se agochan tras as imaxes. Valoración cualitativa das fotografías e repaso dos nomes máis significantes da imaxe estática dende os seus inicios ata o emprego de técnicas actuais coma a fotografía HDR. Recreación en artistas concretos aos que nos achegar a partir de documentais alleos ou obras de videoarte como as de Cindy Sherman.

Venres 15 de maio

8,45 – 10,25

4º ESO e 1º BACHARELATO

HISTORIA DO CINE E A SÚA RELACIÓN COAS BELAS ARTES

Carmen Pg. Granxeiro

Percorrido pola historia do cine, dende os primeiros pasos dos Lumière ata os últimos efectos dixitais, cunha relación constante entre a arte audiovisual e as belas artes clásicas. Visionado de fragmentos de máis de 50 obras e paradas visuais e sonoras en diversos exemplos das artes que inflúen reciprocamente nesta ben chamada sétima arte. Actividades interactivas e xogos que salpican o percorrido, poñendo a proba coñecementos adquiridos e capacidades dedutivas.

CALENDARIO DA LECTURA

MAIO CULTURAL

Um ano máis bota a andar no Basanta Silva un maio ateigado de actividades que de seguro vos van encantar. Esta semana:

Martes, 5 de maio                          

  Exposición " Galicia, Conservando a Natureza"

Mércores, 6 de maio (12 h.)  - 3º, 4º, de ESO e 1º de BAC          
Teatro : Bicos con Lingua - Talía Teatro (auditorio municipal)

Xoves, 7 de maio (20 h.)

 Cine e Literatura -No es país para viejos - Joel e Ethal Cohen
              

III CONCURSO ESCOLAR DE POESÍA

A Fundación Rosalía de Castro e El Corte Inglés veñen de convocar o III Concurso Escolar de poesía para o alumnado de Secundaria e Bacharelato.

As bases do Premio establecen tres niveis de participación: 1º ciclo da ESO (1º e 2º), 2º ciclo da ESO (3º e 4º) e Bacharelato. As obras han de seren orixinais e inéditas e estaren redactadas en lingua galega. A extensión máxima non excederá os 50 versos.

As persoas que desexen participar poden enviar os seus textos ata o 30 de maio de 2015 e o fallo do concurso farase público o día 6 de xuño, mentres que a entrega dos premios terá lugar o día 12 do mesmo mes nun acto poético-musical na Casa-Museo Rosalía de Castro onde participarán os propios premiados e premiadas.

Os premios son, por cada categoría: o primeiro galardoado/a conseguirá un iPad 32GB e haberá dous áccesit: ao primeiro corresponderalle unha tarxeta de agasallo de El Corte Inglés de 200 euros e o segundo, o mesmo por un valor de 100 euros.